Eph 3 | Ndebele | STEP | Ngenxa yalokhu mina Pawuli, isibotshwa sikaKristu Jesu ngani abezizwe ,

Ephesians 3

UPawuli umiselwe ukwembula imfihlo kaKristu

1 Ngenxa yalokhu mina Pawuli, isibotshwa ^a sikaKristu Jesu ngani ^b abezizwe ^c, 2 uba kambe selizwile ngokuphathwa ^d komusa kaNkulunkulu ^e engawuphiwelwa lina ^f, 3 ukuthi ^g njengesambulelo ^h wangazisa imfihlo ⁱ (njengalokhu ngabhala ngaphambili ngamafitshane ^j, 4 okungalokhu, nxa lifunda, lingazi ulwazi lwami ^k emfihlweni kaKristu ^l); 5 yona engaziswanga ezizukulwaneni ^m ezinye ebantwaneni babantu, njengalokhu isiyembuliwe khathesi kubaphostoli bakhe abangcwele labaprofethi ngoMoya ⁿ; 6 ukuthi abezizwe babe yizindlalifa ^o abahlanganyeli lomzimba ofananayo ^p labahlanganyeli ^q besithembiso sakhe kuKristu ^r, ngevangeli, 7 engenziwa ngalo ^s isikhonzi ^t njengokwesipho somusa kaNkulunkulu ^u engiwuphiwe ngokusebenza kwamandla akhe ^v.

8 Kimi, engimncinyane kulomncinyane wabo bonke abangcwele ^w, lowomusa ngawuphiwa ^x, ukuthi ngitshumayele kwabezizwe ^y ivangeli lenotho kaKristu engelakulinganiswa ^{z
,} ^aa, 9 lokukhanyisela bonke ukuthi buyini ubudlelwano bemfihlo ^ab, ebifihliwe kusukela endulo kuNkulunkulu ^ac owadala izinto zonke ngoJesu Kristu ^ad, 10 ukuze khathesi ^ae emibusweni lemandleni ^af endaweni zezulu ^ag yaziswe libandla inhlakanipho kaNkulunkulu ^ah ezinhlobonhlobo, 11 njengokwecebo laphakade ^ai alenza ngoKristu Jesu iNkosi yethu; 12 esilesibindi kuye ^aj lokungena ^ak ngethemba ^al, ngokholo ^am lwakhe. 13 Ngakho ngiyacela ukuthi lingalahli ithemba ^an enhluphekweni zami ^ao ngani ^ap, eziludumo lwenu ^aq.

UPawuli ukhulekela ibandla ukuthi likhule ekwazini uthando lukaNkulunkulu

14 Ngenxa yalokhu ^ar ngiguqa ngamadolo ^as kuYise weNkosi yethu uJesu Kristu, 15 okubizwa ngaye usendo lonke ^at olusemazulwini lolusemhlabeni ^{au
,} ^av, 16 ukuze alinike, njengokwenotho yobukhosi bakhe ^aw, liqiniswe ngamandla ngoMoya wakhe ^ax emuntwini ongaphakathi ^ay, 17 ukuze uKristu ahlale ngokholo enhliziyweni zenu ^az; ligxilile ^ba lisekelwe ethandweni ^bb, 18 ukuze libe lamandla sibili okuqedisisa ^bc kanye labo bonke abangcwele, ukuthi kuyini ububanzi lobude lokutshona ^bd lokuphakama, 19 lokwazi uthando lukaKristu olwedlula ulwazi, ukuze ligcwaliswe ^be ngokugcwala konke kukaNkulunkulu ^bf.

20 Njalo kuye, olamandla ^bg phezu kwakho konke okwenza okwedlula ngokwengezelelweyo kwesikucelayo kumbe esikunakanayo, njengamandla asebenza kithi ^bh, 21 kuye kakube udumo ^bi ebandleni kuKristu Jesu, ezizukulwaneni zonke zaphakade laphakade. Ameni.